关楚耀分手后重新「复活」

歌手关楚耀（Kelvin）、乐队Yellow！野佬等出席音乐活动，Kelvin表示刚从菲律宾旅行回港，更晒到甩皮：「因为嚟紧多工作，又要去台湾拍戏，所以同几个朋友去旅行，晒吓太阳。」久未在香港唱Live的他指这次活动非常开心，除了首次演唱新歌《死亡之吻》外，亦会与野佬Jam歌：「自己都锺意夹Band，读书时期会同老窦、同学夹Band，今次就第一次同野佬夹，佢哋喺我心目中乜都玩得，连新歌MV都自嘲，希望有新火花！」

Kelvin曾指录新歌时刚好与女朋友分手，问到演唱时可会伤感？他说：「我冇嘢喇，脱咗皮。（谂起段情？）会嘅，始终唱情歌要投入，有几段都会涌番出嚟，但OK嘅，复活节重新复活！（今年搞多啲电影定音乐定女？）当然搞多啲音乐，但搞多啲感情先可以令自己嘅作品感情丰富啲，同啲角色又可以有啲关系嘅。」又指暂时没有新对象，会享受现在单身的自由：「Enjoy吓先，睇缘分啦。」提到他演出的电影延期至5月头上映，他说：「我唔知几时上，呢啲电影公司安排，我五月中先去台湾拍戏，都可以做到宣传嘅。」

同杨幂冇交流？刘恺威十问九唔应

艺人刘恺威近日现身香港机场，头戴黑色Cap帽、全身黑Look的他戴住深色口罩，经离境大堂进入禁区。问离港去哪里？未有停步受访的他即谓：「宣传！」提到早前他被指与老婆杨幂于囡囡小糯米的陆运会上零交流，及问到囡囡会否因为父母四围飞而挂住他时，他则未有回答。入闸前，保安要求他除口罩对身分证明文件，虽然他已经乖乖除口罩，但保安似乎未睇真他的样子，所以再次要求他除口罩，经保安确认后，他便匆匆入禁区。

同展鹏传绯闻！单文柔ig删评论功能

艺人陈展鹏与落选港姐单文柔绯闻早前传得热哄哄，然而身在北京嘅陈展鹏忙于拍摄新剧，至于单文柔亦不时上载工作照，各有各忙！单文柔寻晚喺Instagram晒出同嫲嫲嘅温馨合照，原来19号生日嘅佢提早庆祝27岁生日，仲同屋企人简单食餐饭庆生，佢留言话：「生日愿望就是希望你身体健康 #有嫲的孩子像个宝 #年年月月日日都陪住我」相当孝顺！另外，日前传出绯闻后，单文柔惹来唔少批评，其社交网仲引起骂战，有网友就发现佢最近喺社交网关闭评论功能，似乎想平息事件。

被传当年剑伤黄淑仪　汪明荃澄清冇不和

内地真人骚酬劳高，吸引不少香港艺人接演，包括吴镇宇和儿子、张智霖夫妇和王祖蓝夫妇等，却没有打动汪明荃，汪明荃认为私隐重要，连价钱都不问便推却了。她接受访问时剖白了个人的坚持和执着：「一来系因为自己冇体力，24小时除咗去厕所之外，都要畀人装Cam睇住晒，我点解要咁样Sell自己？」

快将70岁的汪明荃，于访问中提到她的不和传闻。传当年拍《书剑恩仇录》时，汪明荃与黄淑仪争演女主角霍青桐，最后汪明荃争赢，她又被指拍其中一场戏时，不慎用剑整伤黄淑仪额头更伤及眼眉，令黄淑仪血流而下险些毁容，自此两人传出不和。但汪明荃澄清没有此事，并称当时自己亦吓到呆了。

因网上言论受伤　何雁诗叹：我都有感受

歌手何雁诗同郑俊弘拍拖后引起一连串风波，寻日佢上载同好友聚会嘅合照，睇嚟未受事件影响心情。不过今日佢再喺社交网现身，仲发长文有感而发，话有时候上网系希望得到一啲心灵上嘅慰藉，但系好多时候睇到嘅都系一啲唔好嘅言论，甚至系好难听嘅言论，更直指唔少人都觉得佢应该被人网络欺凌，最后佢仲话：「But I have feelings too, and it hurts.（但我都有感受，其实我都会受伤。）」唔少网民见到都话心痛，更纷纷对为何雁诗打气。

☞转载授权微信：lama129

☞ 商务QQ：1900556960

☞投稿邮箱：tghkchannel@163.com