郑俊弘认甩未婚妻：何雁诗好支持我

艺人郑俊弘（Fred）被爆同歌手何雁诗拍拖，之后即被人爆料话佢原来有名拍拖三年嘅有米女友Beebs，Fred仲一度求婚，但分手收场，事件令雁诗被怀疑系小三，Fred原本嘅健康形象亦急挫！Fred喺唱片公司老板何哲图陪同下，去到唱片公司接受无线娱乐新闻台访问，拆解呢次「三角恋」！Fred戴住贼子帽同眼镜，全程表现轻松，似系有备以嚟，访问如下:

主持：同两位女仔Beebs同何雁诗关系点？

郑俊弘：我认同呢位Beebs系有段感情，拍过拖，一路都系低调处理，唔想曝光，呢样系有共识嘅。有求过婚，我觉得两人关系去到某地方，可以再好啲，就做咗呢个冲动动作，但佢唔想同我结婚，唔想同我组织家庭。我系相信爱嘅一个人，仍然好乐观，我做音乐都系想放正能量，我承认我系处理得唔好，不过同以往一个已经系了结晒，冇联络，唔会再有拖泥带水。完结咗，希望重整自己生活工作，自己relax吓先，我承认我系有好多缺陷，好似保持关系方面要继续学习，我系有错，会承担，今次系上咗好大嘅一课，之后我会努力，我会反省。

主持：何雁诗系第三者，系咪都唔好意思？？

郑俊弘：系！畀咗好大压力，我同佢有联络，佢受咗好多不必要嘅烦扰，唔止佢，仲有朋友、家人、公司，抱歉令咁多人担心，今日同寻日，想澄清佢（何雁诗）唔系第三者。

问：有冇唔开心？唔想见咁？有咩同受影响嘅人讲？

郑俊弘：唔系我控制范围，冇办法，过去就过去，只可以向前看，做好自己工作，重组自己嘅嘢，做好啲。呢一两日收到好多message，好多朋友message，你哋嘅支持、爱，我绝对系会收到，系真嘅，屋企人永远都支持我，好感激，我嘅精神支柱系屋企人。

眼仔睩睩超萌！32岁杨爱瑾宣布早产诞B

恭喜！32岁嘅「饼碎」杨爱瑾（Miki）喺Instagram宣布上月30号为老公郭永淳生咗B，不过就冇透露系仔定女，佢留言：「My little thing couldn't wait to see the world and decided to come out early！We look forward to bringing Baby LuLu out and meet you all soon!」tag系#newborn #babylulu #03302017 #happy1weekold #一出世就眼仔碌（睩）碌（睩）」

公开恋情？沈卓盈生日露香肩晒情侣戒

近日33岁生日嘅「沈大师」沈卓盈（Jess），日前就获一班圈中朋友包括陈凯琳、陈庭欣、乐瞳及谭凯琪等同佢庆祝，咁正日留番畀边个呢？

早前被指同经营家族内衣裤出口生意男友拍拖嘅Jess，今日凌晨就喺Instagram上载咗两张相，见佢悉心打扮，着得好靓，同之前孖陈凯琳佢哋庆祝时嘅「Hea Look」简直天同地比！大晒香肩嘅佢留言话：「Thank you for arranging me these birthday dinner again, it is indeed delightful~」（多谢再次为我安排生日晚饭，真系好令人开心！）未几，佢又再upload一张两只手揸住酒杯嘅相，而亮点就系对情侣戒！睇翻之前啲相，已经见到Jess戴上一样嘅戒指，而另一只手系边个？咁Sweet，唔系男友系边个喎？！

咁惨！许志安开骚酬劳竟然得3,800蚊

歌手许志安（安仔）、RubberBand、Supper Moment、触执毛及Dear Jane出席音乐会记者会，接受访问时，安仔透露今次的音乐会由上次的《18安士音乐会》加到《21安士音乐会》，但就未知道会加入边三位歌手或单位，因为开完上次音乐会后听到有好多歌手都好想一齐上台Jam歌。

问到有甚么心水歌手，安仔说：「我冇所谓，唔开名啦上次好不约而同听到有歌手同唔同人讲，系开心事嚟嘅！」其后安仔又表示今次是首次拉阔售票的音乐会，所以都算是创先河，又笑言自己当年跟陈慧琳做第一届的拉阔音乐会。

提到可会怕有人炒飞，他们笑言叫大家要尽快买飞，更觉得对歌手和乐队是个好尴尬和矛盾的心情，只希望所有想看的歌迷都能够入场。安仔又指自己只收3,800蚊（港元）酬劳做这个骚，所以在经济角度是不合乎收益，只是一班喜欢音乐的傻仔去做。另外，问到他们可有给意见安仔，Sunny＠Supper Moment搞笑指叫安仔不要那么大只，站在大家中间好自卑。

梁朝伟包到冚　净低电眼杀死人

梁朝伟和刘嘉玲不时出双入对，最近两人各有各忙，昨晚嘉玲低胸性感出席活动，不时有设计的她，扬言老公给予不少灵感；而日前梁朝伟则独自出巡，全身包到冚，唯独露出一双电眼已够凼到售货员笑到见牙唔见眼。

影帝梁朝伟日前下午4时包到冚出巡中环，戴上Cap帽及口罩的他几乎将整块脸遮到实一实，只露出一双招牌电眼，仍不难被认出。梁朝伟单拖行名店依旧悠然自得，只见他入到店内拣不停，不时穿梭试身室，试了不少新装，逗留约一小时始离开。店员对梁朝伟照顾周到，他离开时礼貌地挥手bye bye，凼到大家笑到见牙唔见眼，大有收获的伟仔其后拿着大袋战利品再往其他店铺闲逛。

☞转载授权微信：lama129

☞ 商务QQ：1900556960

☞投稿邮箱：tghkchannel@163.com